შალე კვირიკე ქობულეთში, ზღვის დონიდან 1050 მეტრზე, შავი ზღვის სანაპიროდან კი 12 კილომეტრში მდებარეობს. შალე კვირიკე ტყეში ჩაძირულ რესტორანსა და 20 კოტეჯს აერთიანებს, საიდანაც მთელი კოლხეთის დაბლობისა და შავი ზღვის სანაპიროს პანორამული ხედები იშლება.

დღეს აჭარის რეგიონი ძირითადად სახელგანთქმულია განსაცვიფრებელი პლაჟებითა და უნიკალური კულინარიით, მიუხედავად ამისა, ვფიქრობთ, რომ რეგიონი ასევე გამორჩეულია თავისი მთიანი რელიეფით. სწორედ ამიტომ, მიზნად დავისახეთ ამ რეგიონში სრულიად ახალი ტურისტული ლოკაცია შეგვექმნა, რომელიც ვიზიტორებს მისცემდა საშუალებას ხელახლა აღმოეჩინათ აჭარა და მიეღოთ უნიკალური გამოცდილება.